ئەنجوومەنی نوێنەرانی عێراق دەست بە کۆبوونەوەکانی وەرزی سێیەمی یاسادانان دەکات و بڕیاریشە چەند پڕۆژە یاساییەك تاتوێ بكرێن.

بڕیارە ئەمڕۆ 14/9/2019، ئەنجوومەنی نوێنەرانی عێراق، دەست بە کۆبوونەوەکانی وەرزی سێیەمی یاسادانان بکاتەوە و بەگوێرەی کارنامەی کۆبوونەوەکەش، کۆمەڵێک پڕۆژە یاسای وەک دایکایەتی، وەبەرهێنان، هەڵگرانی پاسپۆرتی دیبلۆماتی و پەیوەست بوونی عێراق بە رێککەتننامەی یونسکۆ، تاوتوێ دەکرێن.

پێشتر چەندین پەرلەمانتار ئاماژەیان بۆ ئەوەکردووە، لێرسینەوە لە وەزیرەکانی حکوومەت، بۆردوومانی پێگەکانی حەشدی شەعبی و دەرچوونی هێزە بیانییەکان لە عێراق، بابەتی سەرەکی دەستپێکی کۆبوونەوەکانی پەرلەمان دەبێت، بەڵام هیچكام لەم بابەتانە لە ئەجێندای دانیشتنەکاندا نین.



K24