بە بۆمب هێرش کرایە سەر ماڵی بەرپرسێکی عێراقی لە باشووری ئەو وڵاتە.

ئەمڕۆ دووشەممە 9-9-2019، سەرچاوەیەکی ئەمنی بە کەناڵی (سۆمەرییە نیوز)ی راگەیاندووە، بۆمبەکە هەڵدراوەتە ماڵی رەحیم خاقانی، سەرۆکی ئەنجومەنی پارێزگای زیقار، لە شارۆچکەی شەترە.

ئەو سەرچاوە ئەمنییە ئاماژەی بەوەش کردووە، کە بۆمبەکە دەنگی بووە و هیچ زیانێکی گیانی لێ نەکەوتووەتەوە.

بەهۆی ناکارایی هێزە عێراقییەکان، دەیان گوورپ و میلیشیای چەکداریی توندڕەو، تیرۆریستی و تائیفی لە شار و ناوچەکانی ئەو وڵاتە بڵاو بوونەتەوە، کە بەردەوم هەڕەشە لەسەر ژیانی هاووڵاتییان دروست دەکەن.











باسنيوز