ئەمڕۆ سێشەممە سەربازێكی سوپای ئەمریكا لە مووسڵ لە كاتی پووچەڵكردنەوەی بۆمبێكی چێندراودا، بۆمبەكە لە دەستیدا تەقیەوە و گیانی لەدەست دا.

تۆڕی هەواڵی (رووسیا تودەی) لە سەرچاوەیەكی عێراقی گواستەوە كە سەربازێكی ئەمریكی هەوڵی داوە بۆمبێكی چێندراو لەسەر ڕێگەی شارۆچكەی گەیارە پووچەڵ بكاتەوە، بەڵام بۆمبەكەی لە دەستدا تەقیەوەتەوە و بەم هۆیەوە دەمودەست گیانی لەدەست داوە.

سەربازە ئەمریكیەكە ناوی براون دۆن بوو، لە تیپێكی سەر بە دەزگایەكی سویسری بۆ هەڵگرتنەوەی مین كاری كردووە و ئێستە تیمەكە خەریكی هەڵگرتنەوەی بۆمبە چێندراوەكانی پاشماوەی ڕێكخراوی تیرۆریستیی داعشن.