دەستەی دەستپاکی (نەزاهە)ی عێراقی زیاتر لە 50 ملیۆن دۆلار لە گرێبەستێکی نەوتی، بۆ خەزێنەی وڵاتەکەی دەگێڕێتەوە.

گرێبەستەکە لەنێوا کۆمپانیای دابەشکردنی سووتەمەنی و کۆمپانیایەکی وەبەرهێنانی نەوتی بۆ بنیاتنانی وێستگەیەکی کارەبا، واژۆ کراوە.

هەروەک دەستەکە رایگەیاندووە، دوای لێکۆڵینەوە، دەرکەوتووە کە کۆمپانیا وەبەرهێنەرەکە بڕی 58 ملیۆن و 240 هەزار و 527 دۆلاری وەک پێبژاردن کەوتووەتە سەر و نەیداوەتە کۆمپانیای دابەشکردنی بەرهەمەکانی سووتەمەنی.

دەستەی دەستپاکی ئاماژەی بەوەش کردووە، کە لە بڕە، توانیویانە بڕی 50 ملیۆن و 181 هەزار 722 دۆلار لە کۆمپانیا وەبەرهێنەکە وەربرگن و بیگەڕێننەوە بۆ خەزێنەی کۆمپانیای دابەشکردنی سووتەمەنی، کە کۆمپانیایەکی حکوومیی عێراقییە.









باسنيوز