زیاتر لە 30 کەس لە پارێزگای دیالە لا ماوەیەکی کەمدا خۆیان کوشتووە.

سەڵاح مەهدی، بەڕێوەبەری نووسینگەی کۆمسیۆنی مافەکانی مرۆڤ لە دیالە رایگەیاندووە، زیاتر لە 30 کەس لە ماوەی شەش مانگی یەکەمی ئەمساڵ خۆیان کوشتووە.

سەڵاح مەهدی هەروەها رایگەیاندووە، کە ئەو ژمارەیە لە هەموو ناوچە جیاوازەکانی دیالە خۆیان کوشتووە.

بەڕێوەبەری نووسینگەی کۆمسیۆنی مافەکانی مرۆڤ لە دیالە ئاماژەی بەوەش کردووە، کە زۆرینەی حاڵەتەکانی خۆکوژی بەهۆی توندوتیژیی خێزانییەوە رووی داوە.

خانەقین، کە شارێکی کوردستانییە، دەکەوێتە سنووری ئیداریی پارێزگای دیالە، بەڵام سەڵاح مەهدی هیچ ئاماژەیەکی بە خۆکوشتنی هاووڵاتییان لەو شارە، نەکردووە.












باسنيوز