جێگری سەرۆکی کۆمسیۆنی باڵای سەربەخۆی هەڵبژاردنەکانی عێراق ئاشکرای کرد پتر لە 200 قەوارەی سیاسی بەشداری لە هەڵبژاردنی ئەنجوومەنی پارێزگاکانی عێراقدا دەکەن.


ڕزگار حاجی جێگری سەرۆکی کۆمسیۆنی باڵای سەربەخۆی هەڵبژاردنەکانی عێراق بە (باسنیوز)ی ڕاگەیاند قەوارە سیاسییەکان لە عێراق ژمارەیان 215 قەوارەیە، هەموویان دەتوانن تا 1/10/2019 خۆیان بۆ بەشداریکردن لە هەڵبژاردنەکانی ئەنجوومەنی پارێزگاکانی عێراق تۆمار بکەن، کە بڕیارە لە 20ی نیسانی ساڵی داهاتوودا بەڕێوەبچێت.


گوتیشی مەرجی خۆتۆمارکردن بۆ بەشداریکردن لەو هەڵبژاردنەدا ئەوەیە کە دەبێت قەوارەکە مۆڵەتدار بێت و هیچ کێشەیەکی یاسایی و ئاسایشی نەبێت و ئەو غەرامەیەی بە هۆی سەرپێچی هەڵبژاردنەکانی پێشوو لەسەر خۆی و کاندیدەکانیەتی، بیدات.


باسی لەوەش کرد کە لە هەر قۆناخێکدا ئامادەکاری پێویست بۆ کاتی بەڕێوەچوونی هەڵبژاردنەکە ئەنجام دەدەن.










باسنیوز