پەنابەرێکی عێراقی لە دەوڵەتی ڤاتیکان لە رۆمای پایتەختی ئیتاڵیا، هەڕەشەی خۆسووتاندن دەکات.

میدیا ئیتاڵییەکان بڵاویان کردووەتەوە، کە ئەو پەنابەرە عێراقییە لە بەردەم کاتدڕائیی قەدیس پوتڕس و بە بەرچاوی گەشتیارانەوە، هوتافی تێنەگەیشتراوی کێشاوە و بە گوتنەوەی وشەی (ئەڵڵا)، چەرخەکەی نیشانی خەڵکی داوە.

دوای دوو خولەک، پۆلیسی ئیتاڵی ئەو پەنابەرەی دەستگیر کردووە و دەرکەوتووە هیچ ماددەیەکی سووتینەر یاخود تەقینەوەی پێ نییە.

ئەو پەنابەرە، کە ئاشکرا نەکراوە خەڵکی کوێی عێراقە، هەڕەشەی خۆسووتاندنی کردبوو، ئەگەر فەرمانگەی پەنابەرانی ئیتاڵیا مافی مانەوەی پێ نەدات.











باسنيوز