سەرۆکی وڵاتێکی عەرەبی لە نەخۆشخانەیەکی پایتەختی وڵاتەکەی، کۆچی دوایی کرد.

ئەمڕۆ پێنجشەممە 25-7-2019، سەرۆکایەتیی کۆماری تونس رایگەیاند، باجی قائید سەبسی، سەرۆکی تونس لە کاتژمێر 10:25 خولەک، کۆچی دوایی کرد.

سەرلەبەیانیی ئەمڕۆ باجی قاید سەبسی بەهۆی تێکچوونەوەی باری تەندروستی، گەیەنرایە نەخۆشخانەی سەربازی لە تونسی پایتەخت.

بەپێی دەستووری تونس، دوای کۆچی دوایی سەرۆک کۆمار، سەرۆکی پەرلەمانی وڵات بۆ ماوەی 45-90 رۆژ، ئەرکی سەرۆکایەتیی وڵاتی پێ دەسپێردرێ.

سەبسی لە ساڵی 1926 لە شاری سیدی بوسەعید لە دایک ببوو. وەک چوارەم سەرۆک کۆماری تونس لە 2014 دەست بەکار بوو.










باسنيوز