وەزارەتی گەنجینەی ئەمریکا سێ کەسایەتیی دیکەی عێراقی دەخاتە ناو لیستی سزاکانەوە و دەست بەسەر سامانیاندا دەگرێت.

رۆژی پێنجشەممەی رابردوو، وەزارەتی گەنجینەی ئەمریکا رایگەیاند، بەهۆی پێشێلکردنی مافەکانی مرۆڤ، هەر چوار کەسایەتیی عێراقی (ئەحمەد جبوری، رەیان کلدانی، نەوفەل عاکوب و حەنین قەدۆ)ی خستووەتە ناو لیستی سزاکانەوە.

ئەمڕۆ شەممە 20-7-2019، ماڵپەڕی (سۆمەرییە نیوز) لە زاری سەرچاوەیەکی پەرلەمانی عێراقەوە بڵاوی کردەوە، کە لیستەکە ناوی حەوت کەسایەتیی عێراقی لەخۆ گرتووە، بەڵام چواریان ئاشکرا کراون.

هەروەک ئەو سەرچاوەیە رایگەیاندووە، چەند بەرپرسێکی عێراقی ئاگاداری ئەو بڕیاری ئەمریکا بوون، بەر لەوەی ئاشکرا بکرێ.











باسنيوز