پەرلەمانی عێراق دانیشتنێکی ئاسایی ساز دەکات و بەرنامەی کار بڵاو دەکاتەوە.

کاتژمێر 1ـی دوای نیوەڕۆی ئەمڕۆ شەممە 20-7-2019، پەرلەمانی عێراق دانیشتنی ئاسایی ژمارە 33ـی خولی یاسادانانی دووەمی ساڵی یەکەمی خولی هەڵبژاردنی چوارەم، ساز دەکات.

لە دانیشتنەکەی پەرلەماندا، تاوتوێی شەش پرۆژەیاسا و بابەت دەکرێ، ک بریتین لە؛

- چاوخشاندنەوەی بە دروستیی ئەندامێتیی ژمارەیەک پەرلەمانتار.

- دەنگدان لەسەر پرۆژەیاسای هەمواری دووەمی یاسای سەندیکای جیۆلۆجیناسان.

- خوێندنەوەی راپۆرتێک و گفتوگۆکردن لەسەر پرۆژەیاسای دروستکردنی عەلوەکانی میوەفرۆشی لە عێراق.

- خوێندنەوەی راپۆرتێک و گفتوگۆکردن لەسەر پرۆژەیاسای هەمواری یەکەمی یاسای وەزارەتی پەروەردە.

- خوێندنەوەی راپۆرتێک و گفتوگۆکردن لەسەر پرۆژەیاسای نەخشەی هەڵمەتی نیشتمانی بۆ بونیادنانی قوتابخانە. باخچەی ساوایان.

- خوێندنەوەی راپۆرتێک و گفتوگۆکردن لەسەر هەمواری سێیەمی یاسای کەسانی خاوەن پیشەی پزیشکی.

- 15 خولەک گفتوگۆی گشتی.




باسنيوز