باڵیۆزی بەحرێن لە بەغدای پایتەختی عێراق، بە وەرگرتنی گەرەنتی، گەڕایەوە عێراق.

سەڵاح مالیکی، باڵیۆزی عێراق لە بەغدا رۆژی یەکشەممە 14-7-2019 گەڕایەوە سەر کارەکەی لە بەغدا، دوای ئەوەی لە مانگی رابردوو ئەو وڵاتەی بەجێ هێشت.

بەپێی بەیاننامەیەکی سەرۆکایەتیی کۆماری عێراق، عێراق پابەندبوونی خۆی ”بە گەرەنتیکردنی پاراستنی نوێنەرایەتیی و باڵیۆزخانەکانی وڵاتان لە بەغدا“، کردووەتەوە، ئەمەش بە گەرەنتیدان بە دووبارە نەبوونەوەی هێرشکردنە سەر باڵیۆزخانەی بەحرێن، هەژمار دەکرێ.

ئێوارەی رۆژی پێنجشەممە 27-6-2019، نزیکەی 200 کەس لەبەردەم باڵیۆزخانەی بەحرێن لە بەغدا خۆپیشاندانێکیان ساز کرد و دوای سووتاندنی ئاڵای ئیسرائیل لەبەردەم باڵیۆزخانەکە، هێرشیان کردە سەر بینای باڵیۆزخانەی ئەو وڵاتە عەرەبییە.

گرووپە چەکدارییە توندڕەوە تائیفی و تیرۆریستییەکان، بەردەوام هێرش دەکەنە سەر باڵیۆزخانەکان لە بەغدای پایتەختی عێراق و حکوومەتیش توانای پاراستنیانی نییە.






باسنیوز