گەندەڵییەکی 11 ملیار دیناریی وەزارەتی ناوخۆی عێراق لە بەڕێوەبەرایەتیی پۆلیسی بەسرە، ئاشکرا دەبێت.

ئەمڕۆ دووشەممە 3-6-2019، دەستەی دەستپاکی (نەزاهە)ی عێراق لە بەیاننامەیەکدا رایگەیاندووە، گرێبوەستێکیان دۆزیوەتەوە، کە گەندەڵی تێدا کراوە و بەبێ هیچ رێکارێکی یاسایی واژۆ کراوە.

هەروەک دەستەکە رایگەیاندووە، گرێبەستەکە لەنێوان بەڕێوەبەرایەتیی پۆلیسی بەسرە و کۆمپانیایەکی خواردن بە بەهای 10 ملیار و 950 ملیۆن دینار واژۆ کراوە.

دەستەی دەستپاکی ئاماژەی بەوەش کردووە، کە کۆمپانیاکە خواردنی خراپی بەسەر پۆلیس دابەش کردووە و بووەتە هۆی ژەهراویبوونی 22 پۆلیس و ئەوان بە هەماهەنگیی دادگا، دەستیان بە لێکۆڵینەوە کردووە.









باسنيوز