پەرلەمانی عێراق بەرنامەی کاری سێ کۆبوونەوەی یەک لە دوای یەکی خۆی، ئاشکرا دەکات.

کۆبوونەوەکان کاتژمێر 1ـی دوای نیوەڕۆ بەڕێوە دەچن و بەرنامەی کاریشیان لە ماڵپەڕی فەرمیی پەرلەمانی عێراق، بڵاو کراوەتەوە.



کارنامەی کۆبوونەوەی ژمارە 20 لە رۆژی سێشەممە 21-5-2019 (ئەمڕۆ):

- دەنگدان لەسەر پرۆژەیاسای هەمواری یەکەمی یاسای کۆڕی زانستی.

- چارەسەرکردنی کێشەی نیشتەجێبوون.

- پێشکەشکردنی راپۆرتێک و گفتوگۆکردن لەبارەی پێشنیازی یاسای بیمەی تەندروستی.



کۆبوونەوەی ژمارە 21 لە رۆژی چوارشەممە 22-5-2019

- خوێندنەوەی یەکەم بۆ پرۆژەیاسای سەندیکای پەرستاران.

- بەردەوامیدان بە گفتوگۆکانی چارەسەرکردنی کێشەی نیشتەجێبوون.

- پێشکەشکردنی راپۆرتێک و گفتوگۆکردن لەبارەی پرۆژەیاسای پەسەندکردنی رێککەوتننامەی دوورکەوتنەوە لە جیاوازیی باج لە عێراق و ئیمارات.

- پێشکەشکردنی راپۆرتێک و گفتوگۆکردن لەبارەی هەمواری دووەمی یاسای سەندیکای جیۆلۆجیناسان.

- پێشکەشکردنی راپۆرتێک و گفتوگۆکردن لەبارەی پرۆژەیاسای هەمواری شەشەمی یاسای جێبەجێکردن.



کۆبوونەوەی ژمارە 22 لە رۆژی پێنجشەممە 23-5-2019

- دەنگدان لەسەر پرۆژەیاسای ئیدارەی دارایی.

- دەنگدان لەسەر پرۆژەیاسای هەمواری یەکەمی یاسای چاپخانە ئەهلییەکان.

- بەردەوامیدان بە گفتوگۆکانی چارەسەرکردنی کێشەی نیشتەجێبوون.

- پێشکەشکردنی راپۆرتێک و گفتوگۆکردن لەبارەی پرۆژەیاسای هەمواری یەکەمی یاسای هەڵبژاردنی ئەنجومەنی پارێزگا و شارۆچکەکان.








باسنیوز