ئەمڕۆ یەكشەممە سامر غەزبان وەزیری نەوتی عێراق بە توندی رەخنەی لە بڕیاری كشانەوەی كۆمپانیای ئێكسۆن مۆبیڵی ئەمریكی لە شاری بەسرا گرت و رایگەیاند ئەم بڕیارە قبووڵكراو نیە.

میدیاكانی عێراق لە زاری غەسبانیان گواستەوە كە بڕیاری بەجێهێشتنی عێراق و كێشانەوەی كارمەندەكانی كۆمپانیای ئێكسۆن مۆبیڵی ئەمریكی هیچ بیانووەكی نیە و قبووڵی ناكەن.

وەزیری نەوتی عێراق هەروەها گوتوویەتی كە بەم زووانە كۆبوونەوەیەك لەگەڵ بەرپرسانی كۆمپانیا ئەمریكیەكە ئەنجام دەدەن.

جێی باسە لەگەڵ گرژبوونی پەیوەندییەكانی واشنتن و تاران، كۆمپانیای ئێكسۆن مۆبیڵ بڕیاری دا كارمەندەكانی لە شاری بەسرای باشووری عێراق بكێشێتەوە.

سامر غەزبان هەروەها ئاماژەی بەوە داوە كە کێشانەوەی چەند کارمەندێک، ئەگەرچی ژمارەشیان کەم بووبێت، کاتیە و پەیوەندی بە دۆخی ئەمنیەوە نیە، بەڵکو هۆکاری سیاسی لە پشتەوەیە.

جێی باسە دەبوایە كۆمپانیای ئێکسۆن مۆبیڵ پرۆژەی گەورە بۆ زیادکردنی بەرهەمهێنانی نەوتی عێراق ئەنجام بدات.












باسنيوز