پسپۆڕێکی ئەمنیی عێراقی رایدەگەیەنێت، کە وڵاتەکەی لە شەڕی نێوان ئەمریکا و ئێران، بێ لایەن نابێت و دەچێتە پاڵ ئێران.

بەپێی هەواڵی میدیا عێراقییەکان، ەباس ئەلعەرداوی، پسپۆڕی ئەمنیی عێراقی رایگەیاندووە، ئەمریکا دانی بەوەدا ناوە، کە 50 هەزار سەربازی لەسەر خاکی عێراقدان، کە ”پلانی زایۆنیزمی جیهانییە و بۆ بەردەوامیدانە بە کردە تیرۆریستییەکان لە عێراق“.

عەباس ئەلعەرداوی هەروەها رایگەیاندووە، کە ئەگەر هێزە ئەمریکییەکان لە عێراقەوە هێرش بکەنە سەر ئێران، ئەوا ”هێزە ئەمنییەکان و میلیشیاکانی حەشدی شەعبی پاڵپشتیی خۆیان بۆ ئێران رادەگەیەنن و شەڕی هێزە ئەمریکییەکان دەکەن.

ئەو لێدوانە لەکاتێک دایە، کە هەفتەی رابردوو مایک پۆمپیۆ، وەزیری دەرەوەی ئەمریکا سەردانی بەغدای پایتەختی عێراقی کرد و سەرچاوە میدیاییەکانیش ئاماژەیان بەوە کرد، کە پۆمپیۆ هۆشداریی داوە لەوەی هەر گرووپێک هێرش بکاتە سەر هێزە ئەمریکییەکان لە عێراق، ئەمریکا دەیخاتە ناو لیستی تیرۆرەوە.






باسنيوز