بەپێی راگەیەندراوێکی فەرمانگەی چاكسازی لە وەزارەتی دادی عێراق، مانگی رابردوو (678) زیندانی لە گرتووخانەكانی بەغدا و شارەکانی دیکە ئازاد كراون کە هەندێكیان بەر بڕیاری لێبوردن كەوتوون و هەندێكیشیان ماوەی زیندانیكردنیان كۆتایی هات.

وێنەیەك لەو راگەیەندراوەی فەرمانگەی چاكسازی لە وەزارەتی داد کە تێیدا هاتووە: "لە ماوەی مانگی رابروودا واتە مانگی نیسان، (678) زیندانی لە گرتووخانەکانی وەزارەتی داد لە زیندانی بەغدا و پارێزگاكانی‌تری عێراق ئازاد كراون.

لە راگەیەندراوەكەدا ئەوەش خراوەتە ڕوو: "لەو ژمارەیەش (64) كەسیان بەر لێبوردنی گشتی كەوتوون و ئەوانی‌تر كە(80)یان ئافرەت بووە و (598) یان پیاو بووە، پاش ماوەی زیندانییەکەیان، ئازاد كراون".