دەمەكە گروپێن تیرورستێن داعش و شانێن وان یێن نڤستی بووینە مەترسی لسەر ژیانا پرانیا پێكهاتەیێن ل مووسڵ ب كوردو عەرەب ڤە ئەگەر حكومەتا عیراقێ‌ رێگریێ‌ ل ڤەلڤینێن داعش نەكەت دێ‌ زیانێن مەزن گەهینن مووسڵ و پێكهاتەیێن وێ‌.

هاشم بریفكانی، جێگرێ‌ سەرۆكێ‌ لێژنەیا ئاسایش و بەرەڤانیێ‌ ل جڤاتا پارێزگەها مووسڵ راگەهاند: پشتی مووسڵ هاتیە رزگاركرن ژ داعش ب ئاشكرایی چەكدار نەماینە ل ناڤ مووسڵ بەلێ‌ هزرا داعش هێشتا یا ل مووسڵ مایە. شانێن نڤستی گەلەك یێن هەنە ل جهێن جودا یێن مووسڵ نەهاتیە رزگاركرن ب رەنگەكێ‌ ب تەمامی ژلایێ‌ ئەمنی ڤە. نۆكە مەترسی لسەر ژیانا هاوولاتیان و وان پێكهاتەیا هەیە ل مووسڵ ب كوردو عەرەب ڤە.

گۆتژی: ئەگەر حكومەتا عیراقێ‌ ب دروستی بزاڤا نەكەت شەرەكێ‌ نهێنی ل گەل شانێن نڤستی یێن داعش نەكەت بۆ ژناڤبرنێ‌ رۆژ ب رۆژێ‌ بزاڤێن شانێن نڤستی یێن داعش زێدەتر دبن. ل ڤان دووماهیا چەندین پەقین دروستبوون ل مووسڵ و دەوروبەرێن وێ‌ . ئەڤە نیشانا مانەڤەیا داعشە ب هێزی ل دەڤەرێ.‌ ئەگەر حكومەت رێگریێ‌ ل شانێن نڤستی یێن داعش نەكەن دێ‌ بزاڤێن وان بەرفرەهتر بن ل دەڤەرێ‌ مەترسی زێدەتر بیت لسەر ژیانا هاوولاتیا.









باسنيوز