هەردوو وەزیری دارایی و ئاوەدانکردنەوە و نیشتەجێکردن کۆبوونەوە و پڕۆسەی رێوشوێنەکانی شوێنی دابەشکردنی زەوییان بۆ چینە جیاوازەكانی كۆمەڵگا تاوتوێ کرد.

ئەمڕۆ چوارشەممە 24/4/2019، .فوئاد حوسێن، وەزیری دارایی عێراق کە هاوکات جێگری سەرۆك وەزیرانیشە بۆ كاروباری ئابووری لەگەڵ بەنگین رێكانی، وەزیری ئاوەدانكردنەوە و نیشتەجێكردن کۆبووەوە و باس لە دەستپێشخەری سەرۆك وەزیران كرا لەبارەی دابەشكردنی زەوی نیشتەجێبوون بۆ چینە جیاوازەكانی كۆمەڵگا بەپشت بەستن بە پرۆگرامی حكوومی كە لە ئەنجومەنی وەزیران پەسەند كراوە.

فوئاد حوسێن، فەرمانگەی خانووبەرەی لە وەزارەتەکەی ئاراستە كرد بۆ ئاسانكردنی رێوشوێنی دابەشكردنی زەوی و ئامادەكردنی شوێنی شایستە بۆ ئەم پرۆسەیە لەو ڕووبەرانەی كە سەر بەوەزارەتی دارایین بۆ ئەوەی بچنە نێو ئەو پلانەوە.










باسنيوز