پەرلەمانی عێراق لە کۆبوونەوەی داهاتووی خۆیدا، تاوتوێی هەموارکردنەوەی یاسای دەستەی دەستپاکی (نەزاهە)، دەکات.

ماڵپەڕی فەرمیی پەرلەمانی عێراق کارنامەی کۆبوونەوەی ئاسایی ژمارە 11ـی رۆژی چوارشەممە 17-4-2019ـی بڵاو کردووەتەوە، کە کاتژمێر 1ـی دوای نیوەڕۆ ئەنجام دەدرێت.


کارنامەی کۆبوونەوەکە:


- دەنگدان لەسەر پرۆژەیاسای ئیدارەی دارایی.

- خوێندنەوەی یەکەم بۆ پرۆژەیاسای دەستەی راگەیاندن و پەیوەندییەکان.

- خوێندنەوەی یەکەم بۆ پرۆژەیاسای دەستەی باڵای دەریایی عێراقی.

- خوێندنەوەی یەکەم بۆ پرۆژەیاسای ئەندامبوون (چونە پاڵ)ی عێراق لەبانکی وەبەرهێنانی ئاسیای بۆ ژێرخان.

- پێشکەشکردنی راپۆرتێک و گفتوگۆکردن لەبارەی پرۆژەیاسای شارە پیشەسازییەکان.

- پێشکەشکردنی راپۆرتێک و گفتوگۆکردن لەبارەی پرۆژەیاسای هەمواری یەکەمی یاسای دەستەی دەستپاکیی ژمارە 30ـی ساڵی 2011.










باسنيوز