چەکدارانی رێکخراوی تیرۆریستی داعش هێرشیان کردە سەر بنکەیەکی میلیشیاکانی حەشدی عەشائیری (چەکدارە سوننەمەزهەبەکانی ناو حەشدی شەعبی) لە سنووری پارێزگای ئەنبار.



میدیا عێراقییەکان لە زاری سەرچاوە ئەمنییەکانی وڵاتەکە باسیان لەوە کردووە، کە هێرشەکە شەوی رابردوو کراوەتە سەر بارەگای فەوجی چواری لیوای کەڕمەی حەشدی عەشائیری لە پارێزگای ئەنبار و ماوەی 30 خولەک شەڕ و پێکدادان رووی داوە.



ئەمڕۆ چوارشەممە 10-4-2019، داعش لە تۆڕە کۆمەڵایەتییەکان بەرپرسیارێتیی خۆی لەو هێرشە راگەیاند، کە بووە هۆی کوژرانی چەکدارێکی حەشدی عەشائیری و برینداربوونی چەکدارێکی دیکە.





باسنیوز