محەمەد فایەق، بەرپرسی پێشووی بەشی راگەیاندنی قایمقامیەتی خورماتوو، لە ئەكاونتی خۆی لە تۆڕی كۆمەڵایەتیی (فەیسبووك) ڕای گەیاند: "دوێنێ دووشەممە 11/3/2019، لە شاری خورماتوو چەكدارێكی حەشدی توركمانی بە ناوی (عەلی ئۆریان) لەلایەن هێزەكانی بەرپەرچدانەوەی خێرای سەر بە حكوومەتی عێراقەوە دەستگیر كرا".



ئاشكراشی كردووە كە چەكدارەكەی حەشدی توركمانی بە تۆمەتی بازرگانی بە مادە هۆشبەرەكانەوە دەستگیر كراوە.



لە 16ی ئۆكتۆبەری 2017 میلیشیاكانی حەشدی شەعبی خورماتوویان بە ڕێككەوتن لەگەڵ گرووپێكی خیانەتكار داگیر كرد و لەو كاتەوە جگە لەوەی دۆخی ئەمنیی ناوچەكە نالەبارە و بەكارهێنان و بازرگانیكردن بە مادە هۆشبەرەكانیشەوە زیادی كردووە.




باسنیوز