دامه‌زراوه‌یه‌كی جیهان تایبه‌ت به‌ ئاشتی لە ئەنجامی لێکۆڵینەوەیەک ئاشكرای كردووه‌ ئێستا عێراق له‌ ڕیزبه‌ندیی حه‌فته‌مین وڵاته‌ له‌ جیهاندا كه‌ چه‌ك هاورده‌ ده‌كات.



دامه‌رزاوه‌ی ستۆكهۆڵم بۆ ئه‌نجامدانی توێژینه‌وه‌ی ئاشتی ( SIPRI) تازه‌ترین ڕیزبه‌ندیی خۆی‌ له‌سه‌ر كڕینی چه‌ك و پێداویستییه سه‌ربازییەکان بڵاو کردووەتەوە كه‌ تێیدا ده‌ری خستووه‌ وڵاته‌ عه‌ره‌بییه‌كان 30% چه‌كی جیهان ده‌كڕن.



به‌پێی ڕیزبه‌ندی دامه‌زراوه‌كه‌ لە ڕۆژهەڵاتی ناوەڕاست، سعوودیه‌ له‌ كڕینی چه‌ك به‌ پله‌ی یه‌كه‌م دێت، چونكه‌ 12%ی چه‌كی جیهان ده‌كڕێت له‌ دوای ئه‌ویش هیندستان دێت كه‌ 9.5 % چه‌كی جیهان ده‌كڕێت.



له‌ رێزبه‌ندییه‌كه‌ی دامه‌زراوه‌ وڵاتی عێراق به‌ پله‌ی حه‌فته‌م هاتووه،‌ چونكه‌ له‌ نێوان ساڵانی 2014 تاوه‌كو 2018 عێراق به‌ بڕی 3.7 % چه‌كی كڕیوه.‌



دامه‌زراوه‌كه‌ پێی وایه‌ كه‌ كه‌ به‌روارد له‌گه‌ڵ ناوچه‌كانی دیكه‌ی جیهان رۆژهه‌ڵاتی ناوه‌راست زۆرترین چه‌ك ده‌كڕێت كه‌ هۆكاره‌كه‌شی به‌هۆی بوونی شه‌ڕ و ململانێیه‌كی زۆرە كه‌ له‌ ناوچه‌یه‌دا هەیە.








باسنیوز