ژمارەیەک پارێزەری عێراقی بەشەڕە بۆکس لەناو بارەگای سەندیکای پارێزەرانی وڵاتەکەیان، بریندار بوون.

بەپێی هەواڵێکی میدیا عێراقییەکان، ئەحلام لامی، نەقیبی سەندیکای پارێزەرانی عێراق لە کۆبوونەوەیەکی دەستەی گشتیی سەندیکا، کە ئەمڕۆ دووشەممە 4-3-2019 ئەنجام درا، رەتی کردەوە گفتوگۆ لەبارەی بودجەی سەندیکاکەی بکرێ.

هەروەک ئەو میدیایانە باسی دەکەن، رەتکردنەوەی گفتوگۆکردن لەبارەی بودجەی سەندیکاوە لەلایەن ئەحلام لامی، بووەتە دەربڕینی ناڕەزایی لەلایەن هەندێک پارێزەر و لامی گڵۆپەکانی هۆڵی کۆبوونەوەکەی کوژاندووەتەوە و هۆڵەکەی بەجێ هێشتووە.

بەشێکی دیکە لە میدیا عێراقییەکان باس لەوە دەکەن، کە لەناو بارەگای سەندیکا، پارێزەرەکان بە بۆکس بەشەڕ هاتوون و 10 پارێزەر بریندار بوون.











باسنيوز