هەسەدە ژمارەیەک داعشی بیانی رادەستی عێراق کرد
ئاژانسی هەواڵی رۆیتەرز لە زاری فەرماندەیەکی سەربازیی عێراقی ئاشکرایکردووە، رۆژ پێنج شەممەی رابردوو، 150 چەکدار و رۆژی یەک شەممە 130 چەکداری داعش رادەستی هێزە عراقییەکان کراون.
ئەو سەرچاوە سەربازییە ئاشکرایکردووە، عێراق و هەسەدە رێککەوتنیان کردووە، 500 داعش کە ئێستا لای هەسەدە زیندانین رادەستی عێراق بکرێنەوە.
لەو ژمارە داعشە، 14 کەسیان فەرەنسین و شەشی دیکەشیان عەرەبی چەند وڵاتێکی نادیارن.
هەسەدە داوای لە وڵاتانی جیهان کردووە، تاوەکو رەزامەند بن بە وەرگرتنەوەی هاووڵاتیانیان کە بۆ پەیوەندیکردن بە داعشەوە هاتوونەتە سووریا و ئێستا دەستگیر کراون، بەڵام تاوەکو ئێستا، ئەمەریکا و ئەوروپا رەتیانکردووەتەوە.
K24 –
