شەوی ڕابردوو، لە گوندێکی سەر بەشارەدێی سەعدیەی سەر بە پارێزگای دیالە چەکدارانی داعش هێرشیان کردە سەر لیوای۱۱۰ی کوردە فەیلییەکانی حەشدی شەعبی و شەڕ لە نێوان هەردوولادا دروست بووە.



بەپێی ئەو رانیارییانەی لە سەرچاوەیەکی تایبەتەوە دەست (باسنیوز) کەوتوون "شەوی ڕابردوو ۱۸/۲/۲۰۱۹ لە گوندی (عەساکرە)ی سەر بەشارەدێی سەعدیە، چەکدارانی داعش هێرشیان کردووەتە سەر لیوای۱۱۰ی کوردە فەیلییەکانی حەشدی شەعبی و شەڕ لەنێوان هەردوولادا دروست بووە".



لیوای۱۱۰ی کوردە فەیلییەکانی حەشدی شەعبی، لە ڕاگەیەندراوێکدا ، ڕای گەیاندووە "هێزەکانی فەوجی سێی لیوای ۱۱۰، وەڵامی چەکدارانی داعشیان داوەتەوە و توانیویانە هێرشەکە تێکبشکێنن".



بەپێی ڕاگەیەندراوەکە "لە شەڕەکەدا ۲ چەکداری داعش بریندار بوون و شوێنەواری خوێنیان لە پاش بەجێ ماوە".








باسنيوز