لیژنەی نەوت و غازی پەرلەمانی عێراق، ئاشکرای کرد، عێراق زیانی زیاتر لە ٥٠ ملیار دۆلاری لە گرێبەستە نەوتییەکاندا پێگەیشتووە و بەڵگەی گەندەڵی ئەو گرێبەستانەشمان دەستکەوتووە.



ھەیبەت حەمەد، ئەندامی لیژنەی نەوت و غازی پەرلەمان، ڕایگەیاند: "لیژنەکەمان لێکۆڵینەوەی ورد لە ھەموو گرێبەستە نەوتییەکان دەکات".



ئاماژەی بەوەش دا، کە لیژنەکەیان بەڵگەی بوونی گەندەڵی لەو گرێبەستانە ھەیە، گوتیشی: "بەھۆی گرێبەستەکانەوە عێراق زیانێکی زۆری پێگەیشتووە کە زیاتر لە ٥٠ ملیار دۆلاری ئەمریکییە و دەبێت ئەو دۆسێیەیە ھەڵبدرێتەوە".


بەشێکی زۆر لەو گرێبەستە نەوتییانە لەسەردەمی حوسێن شەھرستانی، جێگری سەرۆک وەزیران بۆ کاروباری وزە و وەزیری نەوتی عێراق ئەنجام دراون.



باسنیوز