وه‌زاره‌تى ناوخۆ ورده‌كارى كوژرانى ئافره‌تێكی خاوه‌ن ئارایشتگا ڕاده‌گه‌یه‌نێت
لیوا سه‌عد معه‌ن، گوته‌بێژى وه‌زاره‌تى ناوخۆى عێراق ڕای گه‌یاند: "فه‌رمانده‌یی پۆلیسی نه‌ینه‌وا توانییان ورده‌كارى تاوانى كوشتنى ئافره‌تێك له مووسڵ له‌دواى دوو هه‌فته ئاشكرا بكه‌ن".
ئاماژه‌ى به‌وه‌ش دا، كه بكوژكه ده‌ستگیر كرا و ده‌ركه‌وت هاوسه‌رى ئافره‌ته‌كه بووه، له دانپێنانیشدا ئاشكراى كردووه كه بۆ ئه‌وه‌ى سه‌ر له پۆلیس و هێزه ئه‌منییه‌كان بشێوێنێت، ده‌سته‌واژه‌ى پشتیوانیكردنى له داعش، له‌سه‌ر دیواره‌كان نووسیوه‌ته‌وه.
ڕووداوه‌كه پێش دوو هه‌فته له‌ناو ماڵى قوربانییه‌كه و تاوانباره‌كه ڕووی دا، كه ده‌كه‌وێته ناوچه‌ى حه‌دباى دیوى چه‌پی شارى مووسل.
باسنيوز
