هاوپەیمانیی نەسر روونکردنەوە لەبارەی هەواڵی هەڵاتنی سەرۆکەکەی بڵاو دەکاتەوە.
ئەمڕۆ شەممە 5-1-2018، هاوپەیمانیی نەسر بەیاننامەیەکی بڵاو کردووەتەوەو تێیدا رایگەیاندووە، حەیدەر عەبادی واز لە ئەرکەکانی ناهێنێت و بەردەوام دەبێت لە سەرۆکایەتیکردنی هاوپەیمانیی نەسر.
لە بەیاننامەکەدا، هاوپەیمانیی نەسر رەتی دەکاتەوە عەبادی عێراقی بەجێ هێشتبێت و هەڵاتبێت و رایگەیاندووە، ئەو هەوالانەی باس لە هەڵاتنی عەبادی دەکەن، ”دوورن لە راستییەوە و بەشێکە لە ململانێ سیاسییەکان لە دژی عەبادی“.
بڵاوبوونەوەی هەواڵی هەڵاتنی حەیدەر عەبادی دوای ئەوە دێت، کە هێزێکی پاسەوانی عادل عەبدولمەهدیی سەرۆک وەزیرانی عێراق،هەڵیان کوتایە سەر ماڵی حەیدەر عەبادی و دەگوترا ئەو و هاوسەرەکەیان بەرەو شوێنێکی نادیار بردوون.
هەروەک میدیا عێراقییەکان باسیان کرد، ئەو خانووەی عەبادی تێیدا بوو، موڵکی دەولەت بوو، بۆیە عەبدولمەهدی ویستی لێی بسەنێتەوە و بیگەڕێنێتەوە بۆ ژێر دەسەڵاتی حکوومەتەکەی.
باسنیوز
