له‌كۆتایی دانیشتنى ئه‌مڕۆی په‌رله‌مانى عێراقدا، دوو وه‌زیری نوێی كابینه‌كه‌ى عادل عه‌بدولمه‌هدی، متمانه‌یان وه‌رگرت و ده‌نگدان له‌سه‌ر وه‌زیری داد، بۆ كاتێكی تر دواخرا.

له‌ دانیشتنى ئه‌مڕۆی ئه‌نجومه‌نى نوێنه‌رانى عێراقدا، ده‌نگ له‌سه‌ر شه‌یما حه‌یالى، بۆ وه‌زاره‌تى په‌روه‌رده‌ى عێراق درا و متمانه‌ى په‌رله‌مانى وه‌رگرت.

هاوكات، ئه‌نجومه‌نى نوێنه‌ران ده‌نگى له‌سه‌ر نۆفه‌ڵ به‌ها، بۆ وه‌زاره‌تى كۆچ و كۆچبه‌ران دا و متمانه‌ى وه‌رگرت.

به‌پێی زانیارییه‌كانیش، به‌هۆى ڕێكنه‌كه‌وتنى لایه‌نه‌ كوردستانییه‌كان له‌سه‌ر كاندیدی وه‌زاره‌تى داد، ده‌نگدان به‌ كاندیدی ئه‌و وه‌زیره‌ كه‌ له‌ پشكى كورده‌، دواخرا.










باسنيوز