سه‌رۆكى حزبێك داوا ده‌كات میلیشیاكانى حه‌شدى شه‌عبى له‌ناوچه سوننه‌كان وه‌رده‌ر بنرێن
ئینتیفاز قه‌نبه‌ر، تایبه‌ت ڕایگه‌یاند: "داوامان كردووه و ئێستاش داوا ده‌كه‌ینه‌وه، كه میلیشیاكانى حه‌شدى شه‌عبى له هه‌موو ناوچه سونییه‌كان بكرێنه ده‌ره‌وه".
ئاشكراشی كرد، كه حه‌شدى شه‌عبى كارى نایاسایی و تایفیی ده‌كه‌ن، هه‌روه‌ك هه‌وڵیش ده‌ده‌ن دیمۆگرافیای مووسڵ بگۆڕن.
ئه‌وه‌شى خسته‌ڕوو، كه سه‌ركرده‌كانى میلیشیاى حه‌شدى شه‌عبى به ئامانجی گۆڕینی دیموگرافیای ناوچه‌كه، خانوو و زه‌وییه‌كى زۆریان له مووسڵ و ئه‌نبار، كڕیوه: "ئێستا به‌وه‌شه‌وه نه‌ماوه له‌هه‌وڵدان ده‌ست به‌سه‌ر مزگه‌وته‌كانیشدا بگرن".
ئه‌و سه‌ركرده عێراقییه داواى له حكوومه‌تى فیدڕاڵ كرد، هه‌ڵوێستێكى ڕوونی به‌رامبه‌ر كار و كرده‌وه‌ى میلیشیاكانى حه‌شدى شه‌عبى له ناوچه سوننه‌نشینه‌كان، ده‌ربڕێت و كاریش بكات بۆ وه‌ده‌رنانیان.
باسنيوز
