لە كەركووك 12 چه‌كداری داعش ده‌ستگیركران
به گوێره‌ی راگه‌یه‌ندراوێكی لیوا میعه‌ن سه‌عدی، فه‌رمانده‌ی هێزه‌كانی دژه تیرۆر، هێزه‌كانییان له دوو كرده‌ی ئه‌منیدا، له رۆژانی 6 و 20ی مانگی رابردوو ئه‌و 12 چه‌كداره‌یان ده‌ستگیركردووه.
به گوێره‌ی راگه‌یه‌ندراوه‌كه، ئه‌و چه‌كدارانه پیلانی ئه‌نجامدانی هێرشی تیرۆریستییان هه‌بووه له شاری كه‌ركووك و مه‌ترسییان خستووه‌ته سه‌ر ئارامی و سه‌قامگیری شاره‌كه.
شاری كه‌ركووك و ناوچه كوردستانییه‌كان له دوای 16ی ئۆكتۆبه‌ری 2017ه‌وه، نه‌توانراوه سه‌قامگیریان بۆ بگه‌ڕێنرێته‌وه و به‌رده‌وام مه‌ترسی له‌سه‌ر ئارامی ناوچه‌كه هه‌یه و چه‌ندینجاریش چه‌كدارانی داعش له سنووری پارێزگای كرده‌وه‌ی تیرۆریستی ئه‌نجامداوه.
K24
