بانکی رافیدەین لەبارەی تێکچوونی حەوت ملیار دینارەکەی کۆگاکانی، روونکردنەوە دەدات.
بانکی رافیدەین هەروەها رایگەیاندووە، حەوت ملیار دینارەکە بە لەژێر چاودێریی دەزگای چاودێریی نێودەوڵەتی، لەناوبردرا.
چەند رۆژێک پێش ئێستا گرتەیەکی ڤیدیۆیی بڵاو بووەوە، کە تێیدا عەلی عەلاق، پارێزگاری بانکی ناوەندیی عێراق تێکچوونی حەوت ملیار دیناری لە کۆگاکانی بانکی رافیدەین بەهۆی ئاوی لافاوەوە، راگەیاند.
هاووڵاتییانی عێراق لە تۆڕە کۆمەڵایەتییەکان باس لەوە دەکەن، کە دراوی عێراقی بە تەڕبوون تێکناچێت و ئەو حەوت ملیار دینارە لەلایەن بەرپرسانی عێراقەوە دزراوە.
\
باسنيوز
