پەرلەمانتارێکی عێراق گەندەڵییەکی گەورە لە وەزارەتی تەندروستیی وڵاتەکەی ئاشکرا دەکات.

جەواد موسەوی، پەرلەمانتاری هاوپەیمانیی سائیرون بە میدیاکانی وڵاتەکەی راگەیاندووە، چەندین بەڵگەی لایە لەبارەی تێوەگلانی پشکنەری گشتیی وەزارەتی تەندروستی لە دزین و بەهەدەردانی 95 ملیۆن دۆلار.

جەواد موسەوی هەروەها رایگەیاندووە، پشکنەری گشتیی وەزارەتی تەندروستی هەوڵ دەدات کەیسەکانی گەندەڵی و بەهەدەردانی سامانی وڵات دابخات.

کەیسەکان بریتین لە گەندەڵیکردن و دزینی سامانی وڵات، کە بۆ دروستکردنی نەخۆشخانەی 400 قەرەوێڵەیی لە شارەکانی بابل، زیقار، کەربەلا، بەسرە، میسان و نەجەف.

ئەو پەرلەمانتارە ئاماژەی بەوەش کردووە، کە لەو گرێبەستانە، بە بەهای زیاتر لە 95 ملیۆن دۆلار گەندەڵی کراوە.











باسنيوز