ئەمڕۆ چوارشەممە سەرچاوەیەكی ئاگەدار رایگەیاند كە لە بودجەی گشتیی عێراقدا بۆ ساڵی 2019، بڕی 877 ملیار دینار بۆ وەقفە ئاینیەكان تەرخان كراوە.

لەم بڕە پارە زۆرەشدا، 585 ملیار دینار تەنها بۆ خەرجیەكانی وەقفی عەرەبی شیعە تەرخان كراوە، هەروەها بڕی 284 ملیار دیناریش بۆ وەقفی عەرەبی سونی تەرخان كراوە.

هەروەها ئەو بڕەی كە دەمێنێتەوە و تەنها حەفت ملیار دیناری عێراقیە، بۆ وەقفی كەمینە ئاینیەكانی ترە

دانانی ئەم خەرجیە زیاد و بێجێیە بۆ وەقفە شیعی و سونیەكان لە كاتێكدایە كە لەم پرۆژەیاسای بودجەیەدا خەرجییەكان بە 132 ترلیۆن دینار خەمڵێندراون، ‌كەچی داهات بە 105 ترلیۆن دینار، واتە زیاتر لە 26 ترلیۆن دینار لە بودجەكەدا كورتی هێناوە.

لەلایەكی دیكەشەوە حكوومەتی عێراق كە پێشتر 17%ی بودجەكەی بۆ هەرێمی كوردستان دابین دەكرد، لەمساڵدا بەفەرمی ئەم بڕەی بۆ نزیكەی 12% كەم كردووەتەوە.












باسنيوز