تا ئێستا 120 هەزار هاووڵاتیی بەسرە بەهۆی خواردنەوەی ئاوی پیسی شارەکەیان، ژەهراوی بوون.



بەپێی هەواڵی میدیا عێراقییەکان، رۆژانە 150 - 250 کەس بەهۆی ژەهراویبوونەوە روو لە نەخۆشخانەکانی بەسرە دەکەن.



دوایین ئاماری ژەهراوی بوونی هاووڵاتییانی بەسرە گەیشتووەتە 119 هەزار و 500 کەس و تا ئێستاش لایەنە پەیوەندیدارەکان هیچ هەوڵێکیان بۆ چارەسەرکردنی ئەو بارودۆخە ترسناکە، نەداوە.



بەهۆی پیسبوونی ئاوی بەسرە، کە دەوڵەمەندترین شاری عێراقە بە نەوت، هەزاران هاووڵاتیی ئەو شارە تووشی ژەهراویبوون بوون و ماوەیەکی زۆریش خۆپیشاندانیان ساز کرد، بەڵام حکوومەت تا ئێستا بەدەم داواکارییەکانییانەوە نەهاتوون.



ئەو خۆپیشاندانانە لە ناوەڕاستی مانگی 7ـی ئەمساڵەوە دژی نەبوونی ئاوی خواردنەوە، کارەبا دەستیان پێ کرد، بەڵام حکوومەت و میلیشیا عێراقییەکان لە بری دابینکردنی داوا رەواکانیان، بە گوللە وەڵامیان دانەوە.



بەسرە شارێکی باشووری عێراقە. دەوڵەمەندە بە نەوت و گازی سروشتی و بە شادەماری ئابووریی عێراق دادەندرێت. نەوتی بەسرە زۆرینەی داهاتی ساڵانەی عێراق دابین دەکات.





باسنیوز