دەنگۆی کەوتنە خوارەوەی فڕۆکەیەکی مەدەنیی هێڵی ئاسمانیی عێراقی بڵاو دەبێتەوە و هێڵەکەش بەیاننامەیەک دەردەکات.



رۆژی یەکشەممە 21/10/2018، میدیا عێراقییەکان بڵاویان کردەوە، کە فڕۆکەیەکی هێڵی ئاسمانیی عێراقی بەهۆی خراپیی کەشوهەواوە، کەوتووەتە خوارەوە.



لە بەیاننامەیەکدا، هێڵی ئاسمانیی عێراقی رەتی کردووەتەوە هیچ فڕۆکەیەکیان کەوتبێتە خوارەوە و رایگەیاندووە، ئەوانەی ئەو هەواڵانە بڵاو دەکەنەوە، ”خێر و خۆشیی عێراقیان ناوێت“.



لە بەیاننامەکەدا هەروەها هاتووە، ئەو دەزگایانەی ئەو هەواڵەیان بڵاو کردووەتەوە، ”بەکرێ گیراون“.



هێڵی ئاسمانیی عێراقی هێڵێکی فڕۆکەوانیی مەدەنییە و پێشتر بەپێی ستانداردەکانی ئەوروپا، فڕۆکەکانی ئەو هێڵە مەرجی سەلامەتییان نەبوو، بۆیە گەشتی ژمارەیەک وڵاتی ئەورووپییان لێ قەدەغە کرابوو، بەڵام ئێستا دەتوانن گەشتەکان بۆ فڕۆکەخانەکانی ئەورووپا ئەنجام بدەن.





باسنيوز