حەیدەر عەبادی، وەڵامی عادل عەبدولمەھدی، لەبارەی دەستەڵاتەكانی حكوومەتی كاربەرێكەر دەداتەوە.

لە راگەیەندراوێكدا نووسینگەی حەیدر عەبادی، سەرۆك وەزیرانی كاربەرێكەری عێراق وەڵامی عادل عەبدولمەھدی دەداتەوە و تێیدا ھاتووە "حكوومەتی ئێستا دەسەڵاتە دەستوورییەكان بۆ ئەركەكانی و راییكردنی كاروباری رۆژانە بەكاردەھێنێت و بەردەوامیشە لە تەواوكردنی پڕۆژەكانی وەبەرھێنان و پڕۆژەكانی دیكەی ئابووری".

ئەم راگەیەنراوەش لە وەڵامی داوایەكی عادل عەبدولمەھدی، سەرۆك وەزیرانی راسپێردراو دێت، بۆ راگرتنی فەرمانە كارگێرییەكانی گرێبەست و دامەزراندنەكان، لەسەرجەم وەزارەتەكان.

ئەمە لەكاتێكدایە بڕیارە ئەمڕۆ عادل عەبدولمەدی، ناوی وەزیرەكان بۆ كابینەی داھاتووی حكوومەتی عێراق رابگەیەنێت.




K24