تەقینەوەیەکی بەهێز لە ناوەڕاستی شاری فەللوجە لە پارێزگای ئەنبار رووی دا.



تەقینەوەکە سەرلەبەیانیی رۆژی هەینی 6/10/2018 لە ناوەڕاستی شارەکە لەڕێی تەقینەوەی ئۆتۆمبێلێکی بۆمبڕێژکراو رووی داوە و تا ئێستا ژمارەی قوربانییان بە فەرمی، بڵاو نەکراوەتەوە.



زانیارییە میدیاییەکان ئاماژە بەوە دەکەن، کە لانی کەم سێ هاووڵاتی و دوو پۆلیس بریندار بوون.



بەهۆی ناکارایی هێزە ئەمنییەکانی عێراق، دەیان میلیشیا و گرووپی چەکداریی توندڕەو و تیرۆریستی لە شەقام و شارەکانی عێراق دروست بوون و بەردەوام کردەی تاوانکاری و تیرۆریستی ئەنجام دەدەن.











باسنيوز