وەزیری دەرەوەی ئەمریکا هەڵوێستی وڵاتەکەی لەبارەی گەشتی سەرۆکی پەرلەمانی عێراق بۆ کوێت، ئاشکرا کرد.

مایک پۆمپیۆ، وەزیری دەرەوەی ئەمریکا لە هەژماری تایبەتیی خۆی لە تۆڕی کۆمەڵایەتیی خۆی لە تۆڕی کۆمەڵایەتیی (تویتەر)، رایگەیاندووە، کوێت دۆستێکی باشی ئەمریکایە.

مایک پۆمپیۆ هەروەها رایگەیاندووە، دڵخۆشە بەوە محەمەد حەلبوسی، سەرۆکی پەرلەمانی عێراق یەکەم گەشتی دەرەوەی وڵاتی بۆ کوێت دەبێت.

وەزیری دەرەوەی ئەمریکا ئەو هەنگاوەی بە باش زانیوە بۆ پەرەپێدانی پەیوەندییەکانی عێراق بە وڵاتانی عەرەبی و دراوسێکانی.

رۆژی 19/9/2018، نووسینگەی سەرۆکی پەرلەمانی عێراق رایگەیاند، سەرۆکی پەرلەمانی کوێت بە تەلەفۆن پەیوەندیی بە محەمەد حەلبوسییەوە کردووە و بە فەرمی داوای لێکردووە سەردانی کوێت بکات.

محەمەد حەلبوسی، کاندیدی (کوتلەی حەل) رۆژی شەممە 15/9/2018، بە سەرۆکی پەرلەمانی عێراق هەڵبژێردرا.











باسنيوز