سەرکردەیەکی عێراقی دوای رەخنەگرتن لە دەستوەردانەکانی کۆماری ئیسلامیی ئێران لە وڵاتەکەی، دەدرێتە بەر رێژەی گوللە.

شەوی هەینی 31/8/2018، عەلی سنێد، سەرکردەی هاوپەیمانیی نەسر بەشداریی بەرنامەیەکی تەلەڤزیۆنیی عێراقی کرد و باسی هەوڵەکانی پێکهێنانی کابینەی نوێی حکوومەتی عێراقی کرد.

عەلی سنێد لە میانی قسەکانیدا، رەخنەی لە دەستوەردانەکانی ئێران لە کاروباری ناوخۆی عێراق گرت و بە بەرپرسانی ئێرانی رایگەیاند، ”لەمڕۆوە هیچ پرۆژەیەکتان لە عێراق نییە“.

دوای هاتنە دەرەوەی ئەو سەرکردەیەی نەسر لە کەنالەکە، لەناو ئۆتۆمبێلەکەیەوە لەلایەن چەند چەکدارێکەوە درایە بەر دەستڕێژی گوللە.

بەپێی زانیارییەکان، عەلی سنید و شۆفێرەکەی بە سەلامەتی لەو هەوڵەی تیرۆرکردن دەرباز بوون، تەنیا یانی ماددی بە ئۆتۆمبێلەکەیان گەیشت.

ئەو رووداوە دوای ئەوە دێت، کە حەیدەر عەبادیی سەرۆک وەزیرانی کاربەڕێکەری عێراق و سەرۆکی هاوپەیمانیی نەسر بڕیاری دوورخستنەوەی فالح فەیازی راوێژکاری ئاسایشی نیشتمانیی عێراقی لە پۆستەکەی دا.

فالح فەیاز هاوکات لەگەڵ پۆستە حکوومییەکەی، سەرۆکی دەستەی میلیشیاکانی حەشدی شەعبییە و زۆربەی سەرکردەکانی هاوپەیمانیی نەسریش دژی بڕیارەکەی عەبادین.