نوێنەری تایبەتیی سکرتێری گشتیی نەتەوە یەکگرتووەکان لە عێراق (یۆنامی) لە پۆستەکەی دوور خرایەوە.

بەپێی بەیاننامەیەک، ئەنتۆ گۆتێرس، سکرتێری گشتیی نەتەوە یەکگرتووەکان رۆژی شەممە 1/9/2018 خاتوو جێنین هێنیس بلاسخارتی وەک نوێنەری تایبەتیی خۆی لە عێراق، دیاری کرد.

جێنین هێنیس بلاسخارت پێشتر وەزیری بەرگریی هۆڵەندا بووە و لە چوارچێوەی هاوپەیمانیی نێودەوڵەتی بەشداریی بە سوپای وڵاتەکەی لە شەڕی ئەفغانستان و مالی کردووە.

ئەو ژنە هۆڵەندییە شوێنی یان کۆبیش دەگرێتەوە، کە لە مانگی 2ـی 2015ـەوە ئەو پۆستەی وەرگرتبوو.

پێشتر لە سەروبەندی شەڕی دژی رێکخراوی تیرۆریستی داعش و بۆ هاوکاریکردنی هەرێمی کوردستان و هێزەکانی پێشمەرگە، لە مانگی 5ـی 2016 و مانگی 1ـی 2017، خاتوو جێنین هێنیس بلاسخارت سەردانی هەولێری کردووە و لەگەڵ سەرۆک مەسعود بارزانی کۆ بووەتەوە.

وێنەی خاتوو جێنین هێنیس بلاسخارت لەگەڵ سەرۆک بارزانی و وێنەیەکی یان کۆبیش









باسنيوز