بانكى ناوه‌ندیی عێراق سه‌رجه‌م پرۆسه‌كانى ناردنى پاره‌ی له‌نێوان بانكه‌ حكوومییه‌كان و بانكه‌ ئه‌هلییه‌كان ڕاگرت و مووچه‌ى فه‌رمانبه‌رانى ئه‌و پارێزگایانه‌ى خۆپیشاندانیان تێدا ده‌كرێت، بۆ مانگى داهاتوو پاشه‌كه‌وت كرد.

به‌پێی نووسراوێكى بانكى ناوه‌ندیی عێراق، كه‌ دوێنێ پێنجشه‌ممه‌ 19/ 7/ 2018 ده‌رچووه‌، بڕیار دراوه‌، هه‌واڵه‌كردنى پاره‌ له‌نێوان سه‌رجه‌م بانكه‌ حكوومییه‌كان و بانكه‌ ئه‌هلییه‌كانى پارێزگاكانى باشوور و ناوه‌ڕاست، ڕابگیرێت.

هه‌ر له‌ نووسراوه‌كه‌دا، بڕیار دراوه‌، ئه‌و وه‌زاره‌تانه‌ى تا 19/ 7/ 2018 مووچه‌یان وه‌رنه‌گرتووه‌، مووچه‌كانیان پاشكه‌وت بكرێت بۆ مانگى ئابى داهاتوو.

ئاماژه‌ به‌وه‌ش دراوه‌، كه‌ هۆكارى بڕیاره‌كه‌، بۆ دۆخى ئه‌منى ئه‌و پارێزگایانه‌ ده‌گه‌ڕێته‌وه‌، كه‌ ماوه‌ى دوو هه‌فته‌یه‌ خۆپیشاندانیان تێدا ده‌كرێت.









باسنيوز