حەشدی شەعبی مزگەوتێک دەسووتێنێت و دەیخاتە ئەستۆی سەرخۆشەکان
نه‌قیب ئه‌میر واسق، له پۆلیسی نه‌ینه‌وا، ڕايگه‌یاند: "چه‌كدارانى نه‌ناسراو مزگه‌وتى (ئه‌هلولبه‌یت) له گه‌ڕه‌كى نیدا و مزگه‌وتى گه‌ڕه‌كى ته‌ڵیعه‌یان تاڵان كرد و دواتر ئاگریان تێبه‌ردان".
ئاماژه‌ى به‌وه‌ش دا، كه هێزه ئه‌منییه‌كان چوونه‌ته شوێنى ڕووداوه‌كان و هه‌ڵمه‌تێكى گه‌ڕان و پشكنینیان بۆ ئه‌نجامده‌رانى تاوانه‌كان، ده‌ست پێكردووه.
ئه‌مه له كاتێكدایه، كه شارى ته‌لعه‌فه‌ر، دواى ده‌ركردنى له‌ژێر ده‌ستى داعش، میلیشیا مه‌زهه‌بییه‌كانى نزیك له ئێران كۆنترۆڵى شاره‌كه‌یان كردووه و بۆ سووتاندنى هه‌ردوو مزگه‌وته‌كه‌ش، ده‌ستى تۆمه‌ت بۆ چه‌كدارانى حه‌شدى شه‌عبى ڕاده‌كێشرێت.
له‌وباره‌یه‌وه، سه‌رچاوه‌یه‌كى حه‌شدى شه‌عبى به ماڵپه‌رى (غه‌د پرێس)ى ِراگه‌یاندوه، كۆمه‌ڵێك سه‌رخۆش، كه له داخستنى دوكانه‌كانى مه‌ى فرۆشتن بێزار و تووڕه‌ن، مزگه‌وتێكیان له ته‌لعه‌فه‌ر سووتاند.
هه‌فته‌ى ڕابردووش هه‌ر له‌و شاره، كه به‌شێكى زۆر له دانیشتووانه‌كه‌ى توركمانى شیعه مه‌زهه‌بن، له‌لایه‌ن چه‌كدارانى نه‌ناسراوه‌وه، گه‌وره‌ترین مزگه‌وتى شاره‌كه به‌ناوى مزگه‌وتى (فه‌تح)یان سووتاند.
باسنيوز
