بە گوللەی ھێزە ئەمنییەکانی عێراق، چوار خۆپیشاندەر لە پارێزگای بەسڕەی ئەوپەڕی باشووری عێراق کوژران و سێی دیکەش بریندار بوون.

بەپێی زانیارییەکان، لە چوارچێوەی ھەوڵەکانیان بۆ بڵاوەپێکردنی خۆپیشاندەرانی پارێزگای بەسڕە، بە گوللەی ھێزە ئەمنییەکانی عێراق، چوار خۆپیشاندەر کوژران و سێی دیکەش بریندار بوون.

ئەمە لە کاتێکە کە ھێزە ئەمنییەکانی عێراق جگە لە گوللە، گازی فرمێسکڕێژ بەسەر خۆپیشاندەراندا دەھاوێژن.

لە لایەکی دیکەوە بەھۆی تەقەی ھێزە ئەمنییەکان و ئەو گرژییانەی لە خۆپیشاندانەکانی دیوانییە کەوتووەتەوە، ١٠ خۆپیشاندەر بریندار بوون. لە پارێزگاکانی (بابل، نەجەف، بەسڕە، کەربەلا و چەندان شوێنی دیکەی ناوەڕاست و باشووری عێراق)، خۆپیشاندان بەردەوامە.









باسنيوز