رۆژنامه‌ی (ئیندیپێندێنت)ی به‌ریتانی له‌ به‌دواداچوونێكدا ئاشكرای كردووە گرووپی تیرۆریستی داعش له‌ سووریا بەهێزەوە سه‌ری هه‌ڵداوه‌ته‌وه‌. ئاماژەشی داوە داعش سوودی له‌بۆشایی ئه‌منیی وڵاتەكە وه‌رگرتووه‌ و توانیویه‌تی خۆی كۆبكاته‌وه‌.

به‌گوێره‌ی ئه‌و به‌دواداچوونه‌ی رۆژنامه‌نووس كیم سه‌نگوپته‌ ئه‌نجامی داوه‌، داعش له‌ سووریا خۆی كۆكردووه‌ته‌وه‌ و ئێستە به‌كردار گه‌ڕاوه‌ته‌وه‌ مەیدانەكە.

باسی له‌وه‌ش كردووه‌، داعش ته‌قینه‌وه‌ی له‌ ره‌قه‌ ئه‌نجام داوه‌ و ئه‌وه‌ی به‌دوژمنی خۆشی بزانێ ده‌یڕفێنێ و ده‌یكوژێ، ئه‌مه‌ش ده‌ریده‌خات كه‌ ئه‌و گرووپه‌ له‌ سووریا سه‌ری هه‌ڵداوه‌ته‌وه‌

رۆژنامەنووسەكەی ئیندیپێندێنت، ژماره‌ی چه‌كدارانی داعش به‌ 7 بۆ 10 هه‌زار چه‌كدار ده‌خه‌مڵێنێ و پێیوایه‌ له‌ هه‌ندێك شوێن داعش بووه‌ته‌وه‌ خاوه‌نی خاك.










باسنيوز