ئەمڕۆ دووشەممە رۆژنامەی (نیویۆرك تایمز)ی ئەمریكی ژمارەی كاندیدەكانی هاوپەیمانی (سائیرون)ی بەسەركردایەتی موقتەدا سەدر ئاشكرا كرد. ئاماژەشی بەوەدا موقتەدا سەدری كۆنە دوژمنی ئەمریكا هاوپەیمانییەكی سەیری لەگەڵ حەیدەر عەبادی هاوپەیمانی ئەمریكا و سەرۆكی لیسی (نەسر)دا پێكهێناوە.


رۆژنامەكە هەروەها ئەنجامەكانی هەڵبژاردنەكانی پەرلەمانی عێراقی بەجێی گومان و ساختەكار ناوبردووە و رایگەیاندووە سەرباری دۆخی ناسەقامگیری سیاسی، هەریەك لە عەبادی و سەدر سوورن لەسەر پێكهێنانی حكوومەتی نوێ.


رۆژنامەكە رایگەیاندووە كە هاوپەیمانی سائیرون ناوی پێنج كاندیدی ئامادە كردووە بۆ وەرگرتنی پۆستی سەرۆكی حكوومەتی نوێی عێراق.


ڕاگەیاندنی هاوپەیمانییەكەی نێوان سەدر و عەبادی بووە جێی سەرسڕمانی چاودێرانی دۆخی عێراق، لەبەرئەوەی پێش چەند رۆژێك سەدر لەگەڵ هادی عامری سەركردەی هاوپەیمانی (فەتح)ی براوەی دووەمی هەڵبژاردنەكان هاوپەیمانییەكی فەرمی ئیمزا كردبوو.
bas news-