حەشدی شەعبی عێراقی، ویلایەتە یەکگرتووەکانی ئەمریکای تۆمەتبار کرد بە کوشتنی 22 چەکداری حەشدی شەعبی لەسەر سنووری عێراق ـ سووریا، لە ڕێگای دوو مووشەکی ئاڕاستەکراو و داوای لە واشنتن کرد، کە ڕوونکردنەوە بدات دەربارەی ئەم بۆردومانە.

دەستەی حەشدی شەعبی عێراقی، لە بەیاننامەیکدا ڕای گەیاندووە: "دوێنێ شەو فڕۆکەیەکی ئەمریکا سەربازگەیەکی ھەردوو لیوای 45 و 46ی سەر بە حەشدی شەعبی لەسەر سنووری عێراق و سووریا لە ڕێگای دوو مووشەکی ئاڕاستەکراو بۆردومان کرد، لە ئاکامدا 22 چەکدارمان کوژراون و 12ی دیکەش بریندار بوون".

دەستەی حەشدی شەعبی عێراقی ھەر لە بەیاننامەکەدا داوای لە ئەمریکا کردووە، کە ڕوونکردنەوە لەبارەی ئەو بۆردوومانەوە بدات.
bas news-