ئه‌نجوومه‌نى ئاسايشى نێوده‌وڵه‌تى ره‌وشى عێراق تاوتوێ ده‌كات
هه‌ر له‌و دانیشتنەدا بڕیاره نوێنه‌ری سكرتێری گشتی نه‌ته‌وه‌یه‌كگرتووه‌كان له عێراق، (یان كۆبیش) گوتارێك له‌سه‌ر پڕۆسه‌ی سیاسی عێراق و ئاڵۆزییه‌كانی نێوان هه‌ولێر و به‌غدا پێشكه‌ش بكات.
كۆبوونه‌وه‌ى ئه‌مجاره‌ى ئه‌نجوومه‌نى ئاسايشى نێوده‌وڵه‌تى له كاتێكدايه، له ناوخۆى عێراق مشتومڕ له باره‌ى ئه‌نجامه‌كانى پرۆسه‌ى هه‌ڵبژاردن هاتووه‌ته ئاراوه و دوێنێ ئه‌نجوومه‌نى نوێنه‌رانى عێراق، بڕياريدا به‌شێكى ئه‌نجامه‌كان پووچه‌ڵ بكاته‌وه.
هاوكات لايه‌نه سياسييه‌كان سه‌رقاڵى دانووستانى به‌رايين بۆ يه‌كخستنى بۆچوونيان سه‌باره‌ت به پێكهێنانى حكومه‌تى داهاتووى عێراق.
رۆژى (12ى ئايار/ مايۆى 2018)، پرۆسه‌ى هه‌ڵبژاردنى گشتيى له عێراق ئه‌نجامدرا و ليستى سائيرون به سه‌رۆكايه‌تى موقته‌دا سه‌در، براوه‌ى يه‌كه‌مى پرۆسه‌كه بوو.
KDP -
