ژمارەیەک پەرلەمانتاری عێراقی لە ترسی لێپێچینەوە و دادگاییکردن، بەرەو دەرەوەی وڵات رادەکەن.



رۆژنامەی (بەغداد پۆست) بە پشت بەستن بە چەند سەرچاوەیەک لە پەرلەمانی عێراقەوە بڵاوی کردووەتەوە، کە نزیکەی 40 کەس لە ساڵی 2005ـەوە پەرلەمانتاری عێراق بوونە و لەم هەڵبژاردنەی ئەم مانگەدا دەرنەچوونەتەوە.



هەروەک ئەو رۆژنامەیە باسی کردووە، ژمارەیەک لەو پەرلەمانتارانەی خۆیان کاندید کردبووەوە و دەرنەچوون، لە ترسی سکاڵا یاساییەکان و تۆمەتی گەندەڵی، لە عێراق نەماون و هەڵاتوون.



ئەو پەرلەمانتارانە بەهۆی بوونی پارێزبەندیی یاسایی، دادگا ناتوانێ لە ماوەی پەرلەمانتارییان دادگاییان بکات، بەڵام دوای کۆتایی هاتنی ماوەکە، دادگایی دەکرێن.



بەشێک لەو پەرلەمانتارانەی دەرنەچوونەتەوە و لە عێراق هەڵاتوون، پێشتر بەردەوام دژایەتیی سەختی مافەکانی گەلی کوردستانیان دەکرد.



ناوی بەشێک لە پەرلەمانتارە هەڵاتووەکان، کە بە تۆمەتی جیاجیای گەندەڵی، تیرۆر و خراپ بەکارهێنانی دەسەڵات کەیسیان لە دژ کراوەتەوە:



- حەنان فەتلاوی

-مشعان جبوری

- عالیە نوسەیف

- عەلی عەلاق

- یاسر مالیکی



- کازم سەیادی



- ئەحمەد مەساری

- عەباس بەیاتی

- محەمەد لەگاش

- مەیسەم جبوری

- مۆفەق روبەیعی



باسنیوز