دەستەی دەوازە سنوورییەكانی عێراق دەست بەسەرداگرتنی 50 كیلۆگرام مادەی هۆشبەری لە دەروازەی (مینا) لە پارێزگای بەسرە ڕاگەیاند كە لەنێو كارتۆنی مۆزدا حەشار درابوو.

بەپێی ڕاگەیەندراوێكی دەستەی دەروازە سنوورییەكانی عێراق، كە وێنەیەكی دەست كەوتووە "دوێنێ 19/5/2018 بە پشتبەستن بە زانیاریی ورد و بە هاوكاریی بەشی هەواڵگریی دەوازە سنوورییەكانی سەر بە دەزگای هەواڵگری و لێكۆڵینەوەی فیدراڵی لە وەزارەتی ناوخۆ و بە سەرپەرشتیی دەروازەی سنووریی مینا لە شاری "ئوم قەسر" لە پارێزگای بەسرە دەست گیراوە بەسەر 50 كیلۆگرام مادەی هۆشبەردا".


بەپێی ڕاگەیەندراوەكە "مادە هۆشبەرەكە لەنێو كارتۆنی مۆزدا حەشار دراوە".


هەینی ڕابڕدووش 18/5/2018 لەهەمان دەوازە دەست گیرا بەسەر نزیكەی 350 كیلۆگرام مادەی هۆشبەردا كە بە هەمان شێوە لەنێو كارتۆنی مۆزدا حەشار درابوو.











باسنیوز